20 May Njoftim për Prospektin e CREDINS PREMIUM
Në përmbushje të detyrimeve ligjore që rrjedhin nga ligji nr. 56/2020, datë 30.04.2020 “Për sipërmarrjet e investimeve kolektive”, si dhe aktet nënligjore të dala nën zbatim të tij, shoqëria “Credins Invest” sh.a., ju njofton se ka kryer përditësimin e Prospektit të Fondit të Investimit
me pjesëmarrje të hapur, me ofertë publike “Credins Premium.
Në prospekt ndryshimet konsistojnë në përditësimin e:
- Seksionit “Fondet nën administrimin e shoqërisë Credins Invest sh.a.”, ku janë përditesuar të dhënat per vitin 2025;
- Seksionit “Të dhënat e përgjithshme të fondit / Fondi i Investimit „“Credins Premium”, ku janë përditesuar të dhënat për vitin 2025, në paragrafet 3 dhe 4, si dhe tabela që pasqyron të dhënat historike të fondit;
- Seksionit “Faktorët e riskut”, nënseksioni “Informacion i përgjithshëm”, paragrafi i tretë është përditësuar me informacionin mbi vlerësimet sovrane të Republikës së Shqipërisë nga agjencitë ndërkombëtare të vlerësimit “Standard & Poor’s” dhe “Moody’s”;
- Janë kryer përditësime në Aneksin 1, të cilat konsistojnë kryesisht në përmirësime narrative dhe teknike, pa cënuar thelbin e marrëdhënieve kontraktore dhe pa sjellë ndryshime në të drejtat apo detyrimet materiale të palëve. Konkretisht, ndryshimet përfshijnë:
– riformulime gjuhësore dhe redaktime me qëllim rritjen e qartësisë dhe koherences së tekstit kontraktor;
– plotesime dhe saktësime të disa dispozitave për të shmangur paqartësi interpretimi; - Janë shtuar Aneksi 2 dhe Aneksi 3.
Prospekti i plotë i Fondit të Investimit “Credins Premium” ndodhet i publikuar në faqen zyrtare të shoqërisë administruese www.credinsinvest.com.
Faleminderit,
Credins Invest